11. júlí 2006 - Magakveisa

Þær hafa verið erfiðar tvær síðustu næturvaktirnar. Ekki er það vegna mikils vinnuálags, heldur sökum þess að ég hafi orðið að sæta lagi til að ná af einu settinu yfir á annað. Eftir seinni næturvaktina fór vandræðunum eitthvað að linna og grunar mig að ástandið fari að lagast. Ég hefi allavega verið laus við vandræðin og Gustavsberg frá hádegi á mánudag.

Með því að að ég er að hressast, hefur andlega þrekið sömuleiðis batnað. Ég ætlaði að setja inn nokkrar myndir í kvöld, en borðtölvan er orðin slíkur garmur að ég verð sennilega að því fram á miðvikudag ef það tekst þá.