16. júní 2008 - Hryllilegt glæpaverk

Kona ein í Saudi-Arabíu hefur verið staðin að verki við að fremja hryllilegan glæp. Ekki var þetta neinn smáglæpur á borð við hórdóm eða morð. Þetta var öllu verra. Hún var staðin að verki við að aka bifreið. Það hafði meira að segja gengið svo langt að hún var ekki stöðvuð fyrr en hún hafði ekið eina tíu kílómetra á leið sinni til að sækja eiginmanninn í vinnuna.

Eiginmaðurinn í þessu vinaríki Georges Dobbljú hefur verið látinn skrifa upp á að leyfa ekki konu sinni né öðrum húsdýrum að aka bifreið aftur.

http://www.dn.se/DNet/jsp/polopoly.jsp?d=148&a=793999