Á árunum 2006 og 2007 fékk Mærsk Line í Danmörku afhent átta ný risaskip til gámaflutninga, svokallaða E-gerð, en þessi skip eru skráð geta flutt 11000 gámaeiningar í einu, en talin geta flutt allt að 15000 gámaeiningum hvert fyrir sig. Þessi átta skip eiga að anna vikulegum flutningum á flutningaleiðinni á milli Vestur-Evrópu og Austur-Asíu. Til samanburðar má þess geta að öll skip sem sigla með vörur í gámum á milli Íslands og annarra landa ná samanlagt kannski helmingi þessarar tölu, þ.e. helmingi gámafjölda eins þessara skipa.
![](https://blogger.googleusercontent.com/img/b/R29vZ2xl/AVvXsEjVST-5-FeXrv2WONojy6btrThs6h-Dqlz2RwJ71b5F66JgUnqFyAuGoQ72A4FsgaoT_z_hc6yiUTvknLmfQRfMPTEnJXRZRTIcK0d4q1dOqtqlm8SOn5LsJRgq8iDDNELmQ6Md/s400/rta96c.jpg)
Til þess að knýja þessi skip áfram þarf vélar og eru vélar þessara skipa í hópi stærstu díeselvéla í heimi. Þær eru af gerðinni Wärtsilä-Sulzer 14RTA96-C (myndin er af 12 strokka vélinni, en athyglisvert að sjá manninn á myndinni) og eru að hámarki 108920 hestöfl við 102 sn/min. og þyngd hverrar vélar er 2300 tonn. Sveifarásinn einn vegur 300 tonn og skrúfan á þessum skipum er um 115 tonn á þyngd.
![](https://blogger.googleusercontent.com/img/b/R29vZ2xl/AVvXsEh1HgBKQuygTsU49niNw_BAYWEjLJISd_hQh5AHqjrVf12ygvLo6VbJEtB7lAZiLcoBdEEfPFVP7TKjFCg-H6Po1nfb6tTLyrH_7Dam_0ly69VA-Ns1JQdsnbWxIyIEY5ZxMgRF/s400/rta96c_crank.jpg)
Miðað við geysimikla burðargetu þessara skipa eru þau talin mjög hagkvæm í rekstri og má þess geta að þegar keyrt er á fullu álagi eyða þau einungis 0,127 kg/h/hp, en það þótti gott að fara niður í 0,155 kg/h/hp þegar ég var í námi fyrir rúmum 30 árum.
Á hagkvæmnisferðinni eyða þessi skip enn minna, allt niður í 0,12 kg/h/hp.
Þegar öll átta skipin eru keyrð á hagkvæmnisferð, eyða þau því samtals aðeins áttatíu tonnum af olíu á klukkutímann. Á vikusiglingu eyða þau því samanlagt aðins 13440 tonnum af dýrmætri olíu sem fer þverrandi í heiminum, en fer reyndar upp í 18400 tonn á viku á fullu afli. (allar tölur eru einfaldaðar)
Samanlagt hámarksafl sem knýr öll skipin áfram er 640 Megavött. Kárahnjúkavirkjun er 690 Megavött og hún er knúin með vatni.
0 ummæli:
Skrifa ummæli